நாங்க பலரும் கல்யாணம்கட்டி 1,2,3...... என்று பிள்ளையும் பெத்துக்கிறம்.
நல்லதொரு தம்பதிகள் என்று சுற்றியுள்ளவங்க பேசுறதைகேட்டு பெருமைப்பட்டுக்கொள்ளுகிறம்.
ஆனால் அதைத்தாண்டி உள்மன மகிழ்ச்சி, கலவியெங்கிற விசயங்களில எத்தினைபேர் மகிழ்ச்சியும் திருப்தியுமா இருக்கினம் என்றுகேட்டால்
பெரும்பாலான ஆம்பிளைங்களும் அதிலென்ன குறைச்சல் எல்லாம் நல்லபடியத்தான் போகுது ஜாலியாத்தான் இருக்கிறம் என்றுதான் சொல்லுவினம்.
ஏனென்றால் பெரும்பாலான பெண்களும் புருசன் எள் என்றுசொல்ல முன்னம் எண்ணையா நிக்கிறாங்க.
புருசன் பெருமை பேசாத நாளே இருக்காது,
புருசன்ரை விருப்பு வெறுப்புகளை தன்ரை விருப்புவெறுப்புகளா நினைத்து செயல்படுறா,
விதம் விதமா சமைச்சுப்போடுறா,
வீட்டுவேலையளையெல்லாம் ஓடி ஓடி செய்யிறா,
கட்டில்ல எப்ப பெண்டாட்டியை தேடினாலும் சலித்துக்கொள்ளாமல் ஒத்துழைக்கிறா
ஆனபடியால் நாங்க ஆம்பிளைங்கபாடு ஜாலிதான்.
ஆனால் இதையே கொஞ்சம் மற்றப்பக்கமாக புரட்டிப்போட்டால்.
தங்க மனதுக்குள்ள இருக்கிற எதிர்பார்ப்பையும் ஏக்கத்தையும்
எரிச்சலையும்கூட வெளியே சொல்லமுடியாமல் சம்பிரதாயத்துக்கு நாங்களும்
நல்லாத்தான் இருக்கிறம் என்று சொல்லிக்கொண்டு எத்தனை பெண்கள்
வாழ்ந்துகொண்டிருக்கிறாங்க.
என்னதான் வாய்க்குருசியா சமைச்சுவச்சாலும் வந்து நல்லா ஒரு பிடிபிடிச்சுட்டு கம்மென்றுவாயை மூடிட்டு அடுத்த அலுவலுக்கு போயிடுவம்.
ஒரு சின்னப் பாராட்டு, கன்னத்தில ஆசையா ஒரு முத்தம் இதையெல்லாம் செஞ்சா நம்ம ஆண்மைக்கே இழுக்கெங்கிறமாதிரி பேசாம இருந்திடுவம்.
பெண்டாட்டியோட சின்னச்சின்ன ஆசைகள் விருப்பு வெறுப்புகள் எதிர்பார்ப்புகள்
பற்றி அறிஞ்சுகொள்ளணும், அவதானிக்கணும் என்று நம்மளுக்கு தோன்றவும்
மாட்டுது அதுக்கு நேரமும் பொறுமையும் வேற இருக்காது.
இராத்திரி எங்களுக்கு ஆசைவந்திட்டாப்போதும் பெண்டாட்டியோட விருப்பத்தை கணக்கிலெடுக்கவேமாட்டம்.
சிலசமயம் அவ அதிக வேலைசெஞ்ச அலுப்பில இருப்பா,
மாதத்தின்ரை அந்த மூன்றுநாளைத்தாண்டி இரண்டுநாள்தான் ஆகியிருக்கும் சற்று பெலயீனமா இருப்பா.
இல்லை வேறு எதோ காரணத்தினால அன்று ஈடுபாடில்லாம இருப்பா
ஆனால் அதையெல்லாம் தெரிஞ்சுக்கிற எண்ணமே எங்களுக்கு வராது அவளுக்கும் அதை சொல்லுற தைரியமும் வராது.
பக்கத்திலபோற பேட்டை பாய்ஞ்சுபிடிச்சு தன்ரை காரியத்தை முடிச்சுக்கிற
சேவலைப்போல நாங்களும் சட்டுப்புட்டென்று காரியத்தை முடிச்சிட்டு
இழுத்துப்போர்த்துக்கொண்டு படுத்து குறட்டைவிட்டு தூங்கிடுவம்.
அவளுக்கு இன்னும் கொஞ்சநேரம் இன்பமாய் இருக்கலாம் என்று தோன்றலாம்
அல்லது புருசன் தோளில் தலைசாய்த்துப்படுத்து அந்த இனிய கணத்தை இன்பமாய் இரைமீட்கும் எண்ணம் வரலாம்
அல்லது கணவனது கணகணப்பான அரவணைப்பில் கண்மூடி தூங்க நினைக்கலாம்.
ஆனால் பெரும்பாலும் இதுக்கெல்லாம் சான்சே இருக்காது.
பெண்ட்டாட்டிக்கும் உறவு மகிழ்ச்சியையும் திருத்தியையும் கொடுத்ததோ என்ற
சிந்தனையே எங்களுக்கு வராது ஏன்னா நம்பபக்கம் எல்லாம் திருத்தியா
அமைஞ்சிருக்கும்.
அதோட எங்களைப்பொறுத்தவரை அவ எங்க ஆசைகளை தேவைகளை நிவர்த்திசெய்கிற ஆசா பாசமற்ற பொம்மையாச்சே.
சிந்தியுங்க நண்பா பெண்ணுக்கும் மனசிருக்கு அதிலையும் விருப்பு வெறுப்புகள் இருக்கு.
பெரும்பாலும் ஆண்களின்ரை காதல் காமத்தை அடித்தளமாக வைத்தே கட்டியமைக்கப்படும் இது இனவிருத்திக்காக இயற்கை செய்த விதி.
ஆனால் பெண்களின் காதல் பெரும்பாலும் அன்பினாலும் தனது சுக துக்கங்களில்
தனக்கொரு துணையாக பாதுகாப்பாக இருப்பானென்ற நம்பிக்கையிலுமே
கட்டமைக்கப்படுகிறது.
இவ்வளவுநேரமா நான் சொன்ன சின்னச்சின்ன விசயங்களை புரிந்துகொண்டு ஆம்பிளைங்க நடந்தால்......
பெண்களின் வாழ்க்கைமட்டுமில்லை எங்கட வாழ்க்கையும் இறுதிநாள்வரை இன்பமாய் அமையும்.
ஆண்மைக்கு அழகு பெண்களை அடிமைப்படுத்தி ஆள்வதல்ல
பெண்களை அரவணைத்து அன்புசெய்து வாழ்வதே ஆண்மைக்கு அழகு.
இந்த இடத்தில இன்னுமொரு விசயத்தையும் சொல்லவேணும்.
இப்பொழுதெல்லாம் பெண்ணுரிமை பெண்விடுதலை என்ற விசயம் அதிகமாக பேசப்பட
விவாதிக்கப்பட பெண்விடுதலையென்பது ஆண்களை அடிமைப்படுத்துதல் என்றதொரு
தப்பான கருத்தியலை உருவாக்குதோ என்றும் எண்ணத்தோன்றுகிறது.
ஒன்றின் விடுதலையென்பது இன்னொன்றின் அடிமைப்படுத்தலாக அமைந்துவிடக்கூடாது.
விடுதலை அடிமைப்படுதல் என்பதை ஒருபுறம் வைத்துவிட்டு
பெண்மையின் குணாம்சங்களை ஆண்களும்
ஆண்மையின் குணாம்சங்களை பெண்களும் புரிந்துகொள்ள முயல்வதே ஆரோக்கியமான மாற்றமாக இருக்கும்.
இப்படியெல்லம் சொல்லுறதாலை நான் எதோ உத்தமபுருசனென்று நினைக்காதையுங்கோ.
நானும் மாறிக்கொள்ள முயற்சிக்கிற மனிதம் பாதி மிருகம்பாதி கலந்த கலவைதான்.
மாறுவோம் மாற முயற்சிப்போம்.
என்ரை இந்த பதிவு ஆணாதிக்க சிந்தனையாளருக்கும், பெண் அடிமைத்தனத்தில்
மூழ்கிக்கிடப்பவர்களுக்கும், சமூகக் காவலர்கள் என்று
சொல்லிக்கொள்பவர்களுக்கும் BP ஐ ஏற்றியிருந்தால் அதுக்கு நான்
பொறுப்பில்லை.
