விடுதலைப்போராட்டங்களை உரிமைப்போராட்டங்களை ஆதரிக்கும் எந்த ஒரு அமைப்புகளுடனும் நல்லுறவுகளை வளர்த்துக்கொள்ளாதது.
எதிரிக்கு எதிரி நண்பன் என்றாவது சிங்களதேசத்திற்கு எதிரான நாடுகளுடன் உறவுகளை பேணமுயற்சிக்காதது என போராளிகளும் நாங்களும் மற்றைய எல்லோரையும் எல்லாவற்றையுமே வேண்டத்தகாதவைகளாகவும் விரோதிகளாகவும் பார்த்தது எமது போராட்டத்தின் பின்னடைவுக்கு மிக முக்கியமானதொரு காரணமாகும்.
அதனால்தான் இறுதிக்கட்ட போராட்டத்தின்போது உலகமெங்கும் புலம்பெயர் எம்மவர் ரயில்மறிப்பு வீதிமறிப்பு என பலவித போராட்டங்களையும் மிக தீவிரமாக செய்தபோதும், எமது தலைமை உலகநாடுகளின் உதவியை எதிர்பார்த்துநின்றபோதும் எம்முடன் சேர்ந்து எமக்காக குரல்கொடுக்க, அதரவளிக்க, உதவிக்கரம் நீட்ட வேறெந்த சக்திகளும் முன்வராமல்போனது.
மீண்டும் இப்பொழுது சம்பந்தன் துரோகி சுமந்திரன் துரோகி. சீமான் நீ உன் நாட்டு அரசியலைப்பார் நாங்க எங்க போராட்டத்தை பார்த்துக்கிறோம். திருமுருகன்காந்தியும் வேண்டாம் கஜேந்திரன் கள்ளன் என அனைவரையும் விரோதிகளாக பார்க்கும் நிலைப்பாடு உருவாகுவதை காணமுடிகிறது.
ஈழத்தமிழினமே பட்ட அனுபவங்களிலிருந்தாவது நீ உன்னை திருத்திக்கொள்ளவேமாட்டாயா?
இதே போக்கில் நீ பயணித்தால் உன் விடுதலைக்கு முதல் எதிரி நீயேதான்.
ஒரு இனத்தின் தாகத்தை போராளிகள் ஏன் தமது தாகமாக மட்டுப்படுத்திக்கொண்டனரோ தெரியவில்லை.
No comments:
Post a Comment