என்ரை செல்லத்துக்கு தன்னை அடையாளபடுத்திக்கொள்ளுறதுக்கு அம்பலத்தார் பெண்டாட்டி என்ற அடைமொழி எப்பொழுதும் தேவைப்படேல்லை. எனக்குத்தான் அப்பப்ப செல்லத்தின் புருசன் Chellam´s Husband என்கிற அடையாளப்படுத்தல் தேவைப்படுகிறது.
ஒரு ஆணாதிக்க சமூகத்தில அவ அந்த இடத்தை அடையிறதுக்கு எவ்வளவு சாதனையளை, சோதனையளை வேதனையளை தாண்டி வந்திருக்கவேணும்.
I love you da Chellam.
இனிவாறன் விசயத்துக்கு.
எந்த ஒரு ஆணாலையும் தன்ரை அம்மாவின் திறமைகளையும், ஆளுமையையும் மகிழ்ச்சியுடன் ஏற்றுக்கொள்ளவும் புகழ்ந்து பேசவும் முடியும்.
மகளின் பெருமைகளை பேசாத நாளே இருக்கமுடியாது.
இவ்வளவும் ஏன் - நண்பனின் பெண்டாட்டியின், பக்கத்துவீட்டு பெண்ணின் திறமைகளைக்கூட ஏற்றுக்கொள்ளவும் புகழ்ந்து பேசவும் முடியும்.
ஆனால் வீட்டில் தன் மனைவி தன்னைவிட திறமையானவராகவோ, ஆளுமைமிக்கவராகவோ இருப்பதையோ அல்லது
வேலையிடத்தில் தனது மேலதிகாரியாக ஒரு திறமைமிக்க பெண் இருப்பதையோ பெரும்பாலான ஆண்களாலையும் ஏற்றுக்கொள்ளவோ சகித்துக்கொள்ளவோ முடியாத காரியமாக இருக்கிறது.
இந்த இரு பெண்களையும் மதிப்பதுவும் அவர்கள் திறமைகளை ஒப்புக்கொள்வதுவும் தமது ஆண்மைக்கு விடுக்கப்பட்ட சவாலாகவும் இழுக்காகவுமே கருதுகிறார்கள்.
தாயோ, மகளோ மற்றைய பெண்களோ திறமையானவர்களாக இருப்பதால் சம்பந்தப்பட்ட ஆண்களின் ஆணாதிக்க சிந்தனைகளுக்கும் செயற்பாடுகளுக்கும் பெரும்பாலும் இடையூறுவருவதில்லை. மனைவியோ பெண் மேலதிகாரியோ ஆளுமைமிக்கவர்களாக இருக்கும்போது சம்பந்தப்பட்ட ஆண்களின் ஆணாதிக்க சிந்தனைகள் பலசமயங்களில் தகர்க்கபடுவதே இந்த நிலமைக்கு காரணமாகும்.
எந்த ஒரு ஆணால் தன்ரை மனைவியினதும் பெண் மேலதிகாரியினதும் திறமைகளை ஏற்றுக்கொள்ளவும் மதிக்கவும் முடிகிறதோ
அந்த ஆணால் உலகத்திலுள்ள அத்தனை பெண்களையும் மதிக்கவும் போற்றி மகிழவும் முடியும்.
ஆணாதிக்க சிந்தனை மாற்றத்துக்கான தொடக்கப்புள்ளி எதுவென்று புரியவேண்டியவங்களுக்கெல்லாம் இப்ப புரிஞ்சிருக்குமென நினைக்கிறன்.
இந்தபதிவிலை நான் சொன்னதிலை நான் எந்தவகை ஆம்பிளை என்ற ரகசியம் எம் பெண்டாட்டி செல்லத்துக்குமட்டுந்தான் தெரியும். இப்ப இதை படிச்ச உங்க எல்லாரையும் கெஞ்சிக்கேட்கிறன் அவவிட்டை அந்த ரகசியத்தை எப்படியாவது கேட்டறிஞ்சு எனக்கும் ஒருக்கால் சொல்லிப்போட்டுபோங்கோ.
No comments:
Post a Comment