மொழுமொழு, குளுகுளு தக்காளிஸ்.... போட்ட தக்காளிசாதம்

வணக்கம் வாசகர்ஸ்.... இனிய ஞாயிறு வாழ்த்துக்கள்.

என்ன எங்க வீட்டிலிருந்து ஏதோ நல்ல வாசனையடிக்கிறதே என்று எட்டி பார்க்கிறிங்களா?

Ok Ok No problem

யன்னலை நல்லா திறந்துவைக்கிறேன்  நன்றாக பாருங்கோ.
(தக்காளிப்பழம் எப்படி மொழுமொழு குளுகுளு என்று  இருக்கணும் என்றதை காமிக்கத்தான் குஸ்பு இங்க வந்திருக்காங்க
வணக்கம் குஸ்பு மேடம் வந்ததுதான் வந்திங்க நீங்களும் கொஞ்சம் உட்கார்ந்து தக்காளிசாதம் சாப்பிட்டுபோங்க.)

என்ன அம்பலத்தார் வீட்டிற்கு வந்தவங்களை உள்ளே வரச்சொல்லாமல் வெளியே நிற்கவைத்து  யன்னலை திறந்து பேசிட்டு இருக்கிறீர் கொஞ்சங்கூட நம்ம பண்பாடு தெரியாதவனா இருக்கிறீரே." என்று திட்டாதிங்க.

நாங்க எல்லாம் ஐரோப்பா, கனடா, அவுஸ்திரேலியா என்று புலம்பெயர்ந்த அப்புறம் இப்ப ரொம்ப முன்னேறிவிட்டம். முன்னாடியே தகவல் தெரிவிக்காமல் திடீரென்று வந்து அழைப்புமணியை அடித்தால் கதவு திறந்து
" வாங்கோன்னா அட வாங்கோன்னா".....  என்று பாடிட்டு,
வாங்கோ உள்ளே வாங்கோ சொல்லமாட்டம்.

சொன்னா புரிஞ்சுக்கணும்! ஞாயிற்றுக்கிழமை வேறு.

We are relaxing.

So உள்ளே வரப்போறம் என அடம்பிடிக்காம அப்படியே யன்னல் ஓரமாக நின்று கொஞ்சநேரம் புதினம் பார்த்திட்டு.....

 Bye Bye சொல்லிட்டு போயிண்ணே இருக்கணும்.


இங்க பாருங்கோ என்ரை இரண்டுகையிலையும் மொழுமொழு குளுகுளு என்று சிவப்பா இருக்கே. அதுதான் நானும் செல்லம்மவும் சேர்ந்து இப்ப செஞ்சிட்டிருக்கிற மாற்றருக்கே முக்கியமானது..... இரண்டு தக்காளிப்பழம்.










அடுத்த முக்கிய மாற்றர் தக்காளிஸ் பக்கத்தில கொலவெறியோட கத்தியும் கையுமா நிக்காங்களே அவ எவ என்று என்னைய கேட்டா நான் அழுதிடுவேன் ஏன்னா நிஜமாலுமே சொல்லுறன் அவ யாரென்று எனக்கு தெரியாது வாழ்க கூகிள் அதில சுட்டவதான் இவ









அப்புறமா விருந்து சாப்பிட்டிட்டு இருக்காங்களே அவங்க எங்க வீட்டுக்கு வந்த விருந்தளிங்க கிடையாது.  சிரிச்சு, ருசிச்சு, சந்தோசமா சாப்பிட்டிட்டு இருக்காங்களே, அதை பார்த்ததுமே புரிஞ்சிருக்கணும்.
இவங்களையும் கூகிளிலை தேடிப்பிடிச்சு இங்கே கூட்டிவந்து உட்காரவச்சிருக்கேன்.

ரொம்ப நேரமாக நிற்கவச்சுட்டே பேசிட்டிருக்கேனோ. சரி சரி விடயத்துக்கு வாறன்.

என் கையில இருக்கிறது - இரண்டு தக்காளி, பொண்டாட்டி கையில அரிவா.

"யோவ் அம்பலத்தார் ரொம்பவும் அறுத்திட்டே இருந்தீர் என்றால் உம்பொண்டாட்டி கையில இருக்கிற அருவாளை புடுங்கி உம்மட மெயின் சுவிச்சை ஆப்பண்ணிடுவன்."
அதுதான் குரவழைய அறுத்திடுவன் என்று எவனோ ஒருத்தன் திட்டுறது காதில விழுகிறது.

அதுதான்யா சொல்லவாறன். இந்த தக்காளிசாதத்தை செய்வதற்கு உங்கிட்ட முக்கியமாக இருக்கவேண்டியது. கோபத்தில குதிக்காமல் நான் சொல்லுறதை பக்குவமாக கேட்கிற பொறுமை.

 அது இருக்கிறவங்க இந்தப்பக்கம் நில்லுங்கோ இல்லாதவங்க..... எஸ்கேப்.

செல்லம்மா கத்திய வச்சிட்டு சமைக்கத்தொடங்கிவிட்டா பொறுமையோட நிற்கிறவங்க பார்த்து, படிச்சு, கேட்டுக்கொண்டு அவங்க அவங்க வீடுகளிற்கு போய் தக்காளிசாதத்தை செய்து சாப்பிடுங்கோ.

 

தக்காளிசாதம் பக்கத்தில வெள்ளையா இருக்கே அது என்ன என்று கேட்கப்படாது அதுதான் முன்னாடி ஒருவாட்டி செல்லம்மா செஞ்சுகாமிச்ச தேங்கா சாதம்.

ஆக்கும்போதே கிக்கு ஏத்தும் தேங்காய்சாதம்

தக்காளி சாதம்

தேவையான பொருட்கள்:
பச்சை / பாசுமதி அரிசி  2 கப்
தக்காளி ( தசைபிடிப்பான பெரிய பழங்கள்) - 400 கிராம் (பொடியாக நறுக்கியது )
பெரிய வெங்காயம் - 2 ( நறுக்கியது)
பச்சை மிளகாய் - 5 ( நீளமாக வெட்டியது )
இஞ்சி - ஒரு  துண்டு
பூண்டு - 5 பல் 
மிளகாய் தூள் - 1 ஸ்பூன்
மஞ்சள் தூள் - 1/4 ஸ்பூன்
தேங்காய்ப்பால் ( விரும்பினால் கூடிய சுவைக்கு ) 1 கப் 
எண்ணெய் - 50 கிராம்
நெய் - 50 கிராம்
பட்டை/ கறுவா - 2 துண்டு
கராம்பு -  6
ஏலக்காய் - 6
கடுகு -சிறிது
கடலைப்பருப்பு -சிறிது
பிரிஞ்சி இலை - சிறிது
கறிவேப்பிலை - சிறிது
உப்பு - ருசிக்கு

செய்முறை :

 அரிசியை  1 மணி நேரம் ஊற வைக்கவும் . தண்ணீரை ஒட்ட வடித்து விட்டு அரிசியை எடுத்து வைக்கவும் . இப்படி செய்தால் தனி தனி சாதமாக வரும் .

 இஞ்சி, பூண்டு ,உப்பு சேர்த்து அரைத்து வைக்கவும்.  ஒரு கடாயில்(pan ) எண்ணெய் ஊற்றி  கடுகு, கடலைப்பருப்பு  தாளித்து
வெங்காயம் , பச்சை மிளகாயை (சற்று மினுமினுப்பாக)வதங்கியவுடன் பட்டை, லவங்கம், ஏலக்காய், பிரிஞ்சி இலை போட்டு தாளிக்கவும். ( நெயில் வதக்கினால்   கூடிய சுவை )  இவற்றுடன் சிறிதாக நறுக்கிய தக்காளி  சேர்த்து   (தக்காளி மணம்  போகும்வரை) நன்றாக வதக்கவும் . இவற்றுடன் மிளகாய்தூள், மஞ்சள்தூள்  சேர்த்து  நன்றாக எண்ணெய் பிரிந்து வரும்வரை வதக்கவும் .   தேவையான தண்ணீர் ஊற்றி  அரிசியை ரைஸ் cooker இல் அவியவிடவும்  . அல்லது கனமான பாத்திரத்தில் கொதிதநீரில் அரிசியை போட்டு அவியவிடவும்   . தேங்காய்ப்பால் சேர்க்க விரும்பியவர்கள் தண்ணீரை குறைத்து  அளவாக தேங்காய்ப்பால் சேர்த்து அவியவிடவும் . அரை  அவியல் பதத்தில் குக்கரை / பாத்திரத்தை திறந்து  வதக்கிய பொருட்களை சேர்த்து நன்றாக அவியவிடவும் .
பதமாக வெந்து இருக்கும்  தக்காளி சாதத்தில்  கடைசியில் கொஞ்சம் நெய்யும் ஊற்றி கிளறவும் .
சுவையான கம கம மசாலா வாசனையுடன் தக்காளி சாதம்  ரெடி.