சொன்னால் நம்பணும் என்ரை நண்பன் சிறீலங்கா இராணுவத்தில அதிகாரி.

இந்த விடயத்தை இங்கு ஜேர்மனியில் இருக்கிற என்ரை நண்பன் ராசுக்குட்டியனிற்கு சொல்லத்தொடங்க....... 

ராசுக்குட்டியன் "ஓய் அம்பலத்தார் உமக்கு என்ன கிறுக்கு பிடிச்சுட்டுதே. கொஞ்சக்காலத்துக்குமுன் போராளியாக இருந்தன் என்றதுபோல கதைவிட்டீர். இப்ப என்னடா என்றால் என்ரை பிரண்ட் சிறிலங்கா இராணுவத்தில....." என்று புதுக்கதை ஒன்றை கிளப்புகிறீர் என்று சொல்லி விழுந்து விழுந்து சிரிக்கவும்
நான் "சும்மா சிரிக்காதை ராசுக்குட்டி நானும் கொமாண்டர் ஜெயந்த பெர்னாண்டோவும் படிக்கிறகாலத்தில வெள்ளவத்தை பிள்ளையார் கோயிலிலையும், கல்கிசை கடற்கரையிலையும் ஒன்றாக கடலை போட்டனாங்கள்."

என்ன அது? சிங்களவனோட சேர்ந்து கடலை போட்டனிரோ? அடபாவி அப்ப நீர் ஒரு சரியான துரோகி.

விபரம் தெரியாமல் எண்ணையிலை போட்ட அப்பளம்போல பொரியாதை ராசு. இது நடந்தது நாங்க துரோகிப்பட்டம் கொடுக்க தொடங்கிய காலத்திற்கு முன்.

கடலை போட்டது என்று சொல்லவும்தான் அவள் சிங்களத்துக்குட்டி சமியந்தா ஞாபகம் வருகிறது.  துருதுரு என்று ஆளைக் கிறங்கடிக்கிற பார்வையும், இதோ பாருங்கடா என்ரை அழகான தொடையை  என்று சொல்லாமல் சொல்லுவதுபோலவும், கொஞ்சம் குனிஞ்சாலே அவள் போட்டிருக்கிற உள்ளாடை எங்களை எட்டிப் பார்த்து கண்ணடிக்கும் என்கிற லெவலிலையும் அரைமீற்றர் துணியிலை தைத்த  மினி ஸ்கேர்ட் என கல்கிசை வித்தியாலய பாற வில் குடியிருந்த இளவட்ட பசங்கள் பலரதும் கனவுக்கன்னி சமியந்தாதான்.

நான் அவளிற்கு கடலைபோட்டு சைட் அடிக்க கடைசிவரை துணைக்கு நின்றவன் இந்த ஜெயந்ததான். எனக்கு வில்லனா வந்த இன்னொரு சிங்களப்பெடியன் காமினியை அடித்தே எங்கட ஏரியாவைவிட்டு கலைத்தது ஜெயந்ததான்.
கதையை முழுவதுமாக சொல்லவிடாமல்.......

"ஏற்கெனவே எனக்கு கனபேர் காது குத்திவிட்டாங்கள். எவனாவது இளிச்ச வாயன் கிடைச்சால் அவனுக்கு சொல்லும் உந்த கதையை " என்று  ராசுக்குட்டியன் திட்டிப்போட்டான். 

அதுதான் இப்ப உங்களுக்கு அந்த விடயத்தை சொல்லலாம் என்று வந்தனான். 

 "அடி செருப்பாலை அப்படியென்றால் நாங்கதான் அந்த இளிச்சவாயரோ"
என்று நீங்க உங்க பிஞ்ச செருப்பை தூக்கமுதல் நான் சோல்லுறதை கொஞ்சம் கேளுங்கோ. 

ஜெயவர்த்தனாவின் சொந்தங்களும், பண்டாரநாயக்கா குடும்பத்தில இருந்து பலரும் இராணுவத்தில பெரிய பதவியில் இருக்கலாம்.

ஜனாதிபதி ராஜபக்சவின்ரை கடைசி சகோதரியின்ரை புருசன் நடேசன் திருக்குமரன்  என்கிற தமிழராக இருக்கலாம். 

 கோத்தபாயவுக்கு கூட்டிக்கொடுத்தவங்கள் முக்கிய பதவியிலை இருக்கலாம். 

அரசியல்துறை பொறுப்பாளர் ப. நடேசன் மனைவி ஒரு சிங்கள பெண்ணாக இருக்கலாம். 

என்ரை பிரண்ட் மட்டும் சிங்கள இராணுவத்திலை இருக்கிறான் என்றால் நம்ப இயலாதோ.... 
நீங்களே சொல்லுங்கோ பார்ப்பம். 

ஓம் அம்பலத்தார் நீங்க சொல்வதை கேட்க..... 

அடடா பார்த்தியளே நீங்களே நம்பலாம் போலகிடக்கு என்று சொல்லவாறியள் - என்ன நான் சொல்லுறது சரியே? 

இல்லை அம்பலத்தார் அது வந்து....  நம்பலாம் ஆனால் இப்ப நம்ப இயலாமல் இருக்கு என்று சொல்லவாறம். 

கழுவுற மீனில நழுவுற மீன்போல "நம்பலாம் ஆனால் இப்ப நம்ப இயலாது." என்றதையெல்லாம் விட்டிட்டு வெட்டொன்று துண்டு இரண்டா பதில் சொல்லுங்கோ. 

அது வந்து கோபப்படாமல் நாங்க சொல்லுறதைக் கொஞ்சம் கேளும்... 

நிஜமாலுமே என்ரை நண்பன் சிறீலங்கா இராணுவத்திலதான் இருக்கிறான். ஆனாலும் இப்ப விளக்கமாக சொல்ல இயலாது.
உங்களோட இவ்வளவு நேரமாக கதைத்ததிலையே மூச்சிரைக்குது. அப்புறமாக வந்து அடுத்த பதிவிலை ஆர்மியலை இருக்கிற பிரண்டின்ரை கதையை சொல்லுறன். 

அதுவரை எதாவது புது யன்னல்களாக திறந்து பாருங்கோ. எதாவது சுவாரசியமான சமாச்சாரங்கள் தென்பட்டால் எனக்கும் சொல்லுங்கோ படித்துப்பார்க்கலாம். 

 Bye Bye.

 Hai chellam. 
Where are you? 
 I am soooo tired டா செல்லம்.

இந்த பசங்களோட ரொம்பநேரமாக கதைச்சதிலையே தொண்டை கட்டிடிச்சு செல்லம். 
Cup of சுக்கு காப்பி please. 

நல்லா ஊர் வம்பளந்துபோட்டு
நேரத்துக்கு நேரம் சாப்பாடு தண்ணி வேணுமென்றால் மட்டும்
ஹாய் செல்லம் ஹீ செல்லம் என்றுகொண்டு வீட்டிற்கு வாங்கோ.
எடு பிள்ளை உந்த பிஞ்ச செருப்பை.....
 
you Chellam 
My Chellam 
Why Chellam  இந்த கொல வெறி.
 
ஐயோ .....தடால்........

எதாவது புது ஜன்னலா திறந்து பாருங்க என்றால்,
ஏன் நீங்களெல்லாம் என்ரை வீட்டு யன்னல்லாலை எட்டிப்பார்க்கிறியள்.

ஹீ ஹீ அது வேறொன்றும் இல்லை.
செல்லம்மா காலிலை சிற்றெறும்பு ஒன்று கடிச்சுது....
அதுதான் அந்த சிற்றெறும்பு ஓடி தப்பிக்கமுதல் தடால் என்று விழுந்து...
சிற்றெறும்பை நானும் அடிச்சனான்.
                   

இன்றைக்கு கதை அம்புட்டுந்தான்.  நீங்களும் அவங்க அவங்க வீடுகளிற்குப்போய் அங்கேயும் யாருக்காவது சிற்றெறும்பு எங்கேயாவது இசகுபிசகான இடத்திலை கடிக்குதா என்று பாருங்கோ.


அரும்பத விளக்கம்
கல்கிசை - கொழும்பின் புறநகர்களில் ஒன்று
வித்தியாலய பாற - கல்லூரி வீதி
 

நேசமுடன் அம்பலத்தார்